Document 954

d gaet haum

Author(s): Mark R Smith

Copyright holder(s): Mark R Smith


dir fifteen pownd on d meetr,
an wir no eevn wun
tae d Nesbister jungshn yit.
i hauk i d ers paukit
u me breeks.
twintee pownd left.

d soond u d tyres,
on yun nyoo chips
dt d coonsil pat upu d rod,
flees up itae d car.
Small Talk ran oot
a whiil

“no. a peerie bit ferdir yit.”
i tell d dryvir,
whin he slows doon
at d sooth whiteness raud.

i sit
back itae d saet
an try
t maak
drunken een
dir focus.


d muinlyt is lyin
on tap u d loch.
hits sheeny, lik dir sumeen
pauleesht up d waatir.
reeflekshins o staars.
piktirs o d hill appear in dis spontaneous mirror.
d soond u d tyres
is fer awey
iz i look oot.

doon d hill
d cloods tumble.
faan oot u d sky
lik beauteefl lumps u oo.
dae creep t d eidge u d loch,
lik i mind doain
years ago,
a bairn creepin t d syd o dis saam loch
t test d tempratur
afore riskin a sweem.

oot ower d waatir
d cloods flaut.
dir no a buil on d fis uda loch.
we taak n aij t dryv by.
i windir if d dyvir
iz seen d saam iz me.
liklee no.
he’ll liklee be waatchin d raud,
tinkin aboot whit iz nixt fair myt be.
ur mibee aboot maakin fir haum
eftir hees slippit me aff.

d runkl o lows stauns
undr d wheels
iz we dryv up wir raud.

“Eighteen pounds please.”

i gee him d twintee

“hits aa ryt.
keep d cheinj.”

yun munee ll be gaun afore laang,
i tink
iz i waatch him draa awaa:
pittn twaard
d electric
d fuel
d waatir
d shoes fur d bairns mibee.
but dat peerie meenit
dryvn by d loch
i kerree we me

This work is protected by copyright. All rights reserved.

The SCOTS Project and the University of Glasgow do not necessarily endorse, support or recommend the views expressed in this document.


Cite this Document

APA Style:

d gaet haum. 2024. In The Scottish Corpus of Texts & Speech. Glasgow: University of Glasgow. Retrieved 25 July 2024, from

MLA Style:

"d gaet haum." The Scottish Corpus of Texts & Speech. Glasgow: University of Glasgow, 2024. Web. 25 July 2024.

Chicago Style

The Scottish Corpus of Texts & Speech, s.v., "d gaet haum," accessed 25 July 2024,

If your style guide prefers a single bibliography entry for this resource, we recommend:

The Scottish Corpus of Texts & Speech. 2024. Glasgow: University of Glasgow.


Information about Document 954

d gaet haum


Text audience

General public
Informed lay people
Other Self + anyone interested in dialect writing
Audience size 1

Text details

Method of composition Wordprocessed
Year of composition 2004
Word count 314

Text type



Author details

Author id 868
Forenames Mark
Initials R
Surname Smith
Gender Male
Decade of birth 1970
Educational attainment University
Age left school 16
Place of birth Lerwick
Region of birth Shetland
Birthplace CSD dialect area Sh
Country of birth Scotland
Place of residence Glasgow
Region of residence Glasgow
Residence CSD dialect area Gsw
Country of residence Scotland
Father's region of birth Shetland
Father's birthplace CSD dialect area Sh
Father's country of birth Scotland
Mother's region of birth Shetland
Mother's birthplace CSD dialect area Sh
Mother's country of birth Scotland


Language Speak Read Write Understand Circumstances
English Yes Yes Yes Yes