Dipper: 54 - Fishers!
Author(s): Dr James A Begg
Copyright holder(s): Dr James A Begg
Envisage the idyllic scene,
Enshrined in print and book,
As leafy glades it flows between
- The rippling, rustling brook.
His happy wand the angler plies
O'er streamy runs and wimples,
And casts his gaily-coloured flies
O'er each trout's rising dimples.
His brother angler 'cross the stream,
He cheerfully regales,
And 'neath the shady bough he'll dream
Of fish as big as whales.
At peace with self, and fellow man,
With Earth, and Universe,
Tranquillity beyond our ken,
Tranquillity - ma erse!
Alane, himsel, or whiles in pairs,
Oor fishers maun be couthie,
But gethert three, or fower or mair's
An invite for a stushie!
They'll argie wha's furst doun the puils
By fishin etiquette;
Daur yin tak fish, the ither fuils
Are shuir tae tak the pet!
On Competition days there's aye
A protest or a ruction,
As 'brither anglers' tak the wey
Tae freenship's self-destruction.
In measly minds ill-naitur dwells,
O that I hae nae dout,
They'd as shuin cast oot amang themsels,
As cast a flee for troot!
Committee meetins aye bring oot
The warst ill-gabbit crack;
The guttin knife that's meant for troot
'S mair like tae stab yer back!
As fiction triumphs ower fact,
An lees tak ower their lives,
Some less an less like fishers act,
An mair like auld fishwives!
Juist tell me this, I hae tae ken,
Gif it be true or not;
Are curlin, boolin, gowfin men
Aa taintit wi this rot?
Or is it as I badly fear,
That fishers are unique?
If that's the case, I'll sadly sweir
There's times they mak me seik!
tak the pet/take the huff
This work is protected by copyright. All rights reserved.
The SCOTS Project and the University of Glasgow do not necessarily endorse, support or recommend the views expressed in this document.
Cite this Document
Dipper: 54 - Fishers!. 2023. In The Scottish Corpus of Texts & Speech. Glasgow: University of Glasgow. Retrieved 3 December 2023, from http://www.scottishcorpus.ac.uk/document/?documentid=666.
"Dipper: 54 - Fishers!." The Scottish Corpus of Texts & Speech. Glasgow: University of Glasgow, 2023. Web. 3 December 2023. http://www.scottishcorpus.ac.uk/document/?documentid=666.
The Scottish Corpus of Texts & Speech, s.v., "Dipper: 54 - Fishers!," accessed 3 December 2023, http://www.scottishcorpus.ac.uk/document/?documentid=666.
If your style guide prefers a single bibliography entry for this resource, we recommend:
The Scottish Corpus of Texts & Speech. 2023. Glasgow: University of Glasgow. http://www.scottishcorpus.ac.uk.