Document 1473

Makin Pancakes

Author(s): Rowena M Love

Copyright holder(s): Rowena M Love


Tastin the pancake, mindins o ma great-aunt
seem thick as butter Ah’d spreid therr:
efternuins wi the douce dame that sugared ma ginger
fur fear Ah’d git gas.
It wud volcano up and o’er the gless,
its leemonade lava poorin doon the sides
afore finin its ain level oan the marble coonter.
Sweet bit flat, Ah guzzlet it doon, gritty syrup an a,
whaur Ah sat tucked high oan hur bentwood chair,
legs hingin.
Then oan tae the best joab: makin drap scones,
aye the same teacup wi its fadin rose yaised as measure,
same spuin skiddlin the batter in the muckle broun bowl.
Staunin oan the chair noo, peenie girdet roon ma middle,
twice roon fur it tae fit,
wi Auntie’s airms the kinch tae keep it oan.
Ah hud tae beat the batter hard
til it soundet lik weans plowterin in the burn,
then, drap bi drap oan the het girdle,
Ah makkit letters for a in the hoose
afore feenishin wi ordinar roons.
Watchin fur the bubbles as sign
fur me tae turn them, usin hur blade
whase bane haunle had lang syne departet
afore tuckin them up warm in a teatowel,
cosy in thir linen as me wi hur.

This work is protected by copyright. All rights reserved.

The SCOTS Project and the University of Glasgow do not necessarily endorse, support or recommend the views expressed in this document.


Cite this Document

APA Style:

Makin Pancakes. 2024. In The Scottish Corpus of Texts & Speech. Glasgow: University of Glasgow. Retrieved 25 June 2024, from

MLA Style:

"Makin Pancakes." The Scottish Corpus of Texts & Speech. Glasgow: University of Glasgow, 2024. Web. 25 June 2024.

Chicago Style

The Scottish Corpus of Texts & Speech, s.v., "Makin Pancakes," accessed 25 June 2024,

If your style guide prefers a single bibliography entry for this resource, we recommend:

The Scottish Corpus of Texts & Speech. 2024. Glasgow: University of Glasgow.


Information about Document 1473

Makin Pancakes


Text audience

Adults (18+)
General public
Audience size 100+

Text details

Method of composition Wordprocessed
Year of composition 2005
Word count 208

Text medium

Magazine (e-zine)
Web (webpages, discussion boards, newsgroups, chat rooms)

Text publication details

Publisher Makar Press
Publication year 2006
Place of publication Ayrshire
ISBN/ISSN 0-9547084-4-X
Part of larger text
Contained in Running Threads, Makar Press. Also in Poetry Scotland, Issue 38, March 2005

Text setting


Text type



Author details

Author id 1068
Forenames Rowena
Initials M
Surname Love
Gender Female
Decade of birth 1960
Educational attainment University, PCGE and Maîtrise
Age left school 17
Upbringing/religious beliefs Protestantism
Occupation Teacher and writer
Place of birth Dumbarton
Region of birth Dunbarton
Birthplace CSD dialect area Dnbt
Country of birth Scotland
Place of residence Troon
Region of residence S Ayr
Residence CSD dialect area Ayr
Country of residence Scotland
Father's occupation Master Mariner and Teacher
Father's place of birth Glasgow
Father's region of birth Glasgow
Father's birthplace CSD dialect area Gsw
Father's country of birth Scotland
Mother's occupation Nurse
Mother's place of birth Rankinston
Mother's region of birth N Ayr
Mother's birthplace CSD dialect area Ayr
Mother's country of birth Scotland


Language Speak Read Write Understand Circumstances
English Yes Yes Yes Yes At work and home
French Yes Yes Yes Yes At work, on holiday
Scots Yes Yes Yes Yes At home, occasionally at work