Document 1472

Ma Mammy

Author(s): Rowena M Love

Copyright holder(s): Rowena M Love


Eydent, thon’s ma maw, nae yin tae staun arms plet.
She’d raither knock hir pan in - bidin at peace jist maks hir fret.

She hus a hert-likin fur hoosework that Ah fin gey queer -
But as she redds up, Ah redd doon, sae Ah rackon Ah’m in the clear.

Hir white washin pooder’s hir hoose-froo’s traisure,
Fur daein a wash is mah mam’s greatest pleesure.

She’ll ca’ throu claes fur the weest drooth;
Gangs oot tae the green, basket fu’, pegs at mooth.

Simmets then breeks in a perfit raw,
A’ pegged jist richt tae get the blaw.

Then bigger claes, colour-codet nae tae clash,
Fur mixter-maxter’ll mak siccar that she’ll fash.

Left tae me, wance oan the streetch, it’s therr an therr it bides.
“Nae guid,” she mumps aneath hir braith, “ye mun toast claes baith sides!”

She’s affy sweirt tae miss a day: she hates a mocket hoose.
But never fear, she’ll fin a way - Maw Washer’s on the loose!

Like gas oan the peep, she jouks in an oot,
She’s in a reet tizz, fur the smirr’s aboot.

Aw naw, the rain, it’s cam oan tae pelt, - ma mammy’s goanie froon.
She cannae wash, but dis she fash? Naw, she jist stoors the hoose aroon!

This work is protected by copyright. All rights reserved.

The SCOTS Project and the University of Glasgow do not necessarily endorse, support or recommend the views expressed in this document.


Cite this Document

APA Style:

Ma Mammy. 2024. In The Scottish Corpus of Texts & Speech. Glasgow: University of Glasgow. Retrieved 23 February 2024, from

MLA Style:

"Ma Mammy." The Scottish Corpus of Texts & Speech. Glasgow: University of Glasgow, 2024. Web. 23 February 2024.

Chicago Style

The Scottish Corpus of Texts & Speech, s.v., "Ma Mammy," accessed 23 February 2024,

If your style guide prefers a single bibliography entry for this resource, we recommend:

The Scottish Corpus of Texts & Speech. 2024. Glasgow: University of Glasgow.


Information about Document 1472

Ma Mammy


Text audience

Adults (18+)
General public
Audience size 100+

Text details

Method of composition Wordprocessed
Year of composition 2004
Word count 229

Text medium

Magazine (e-zine)
Web (webpages, discussion boards, newsgroups, chat rooms)

Text publication details

Publisher Makar Press
Publication year 2004
Place of publication Ayrshire
ISBN/ISSN 0-9547084-0-7
Part of larger text
Contained in The Chameleon of Happiness

Text setting


Text type



Author details

Author id 1068
Forenames Rowena
Initials M
Surname Love
Gender Female
Decade of birth 1960
Educational attainment University, PCGE and Maîtrise
Age left school 17
Upbringing/religious beliefs Protestantism
Occupation Teacher and writer
Place of birth Dumbarton
Region of birth Dunbarton
Birthplace CSD dialect area Dnbt
Country of birth Scotland
Place of residence Troon
Region of residence S Ayr
Residence CSD dialect area Ayr
Country of residence Scotland
Father's occupation Master Mariner and Teacher
Father's place of birth Glasgow
Father's region of birth Glasgow
Father's birthplace CSD dialect area Gsw
Father's country of birth Scotland
Mother's occupation Nurse
Mother's place of birth Rankinston
Mother's region of birth N Ayr
Mother's birthplace CSD dialect area Ayr
Mother's country of birth Scotland


Language Speak Read Write Understand Circumstances
English Yes Yes Yes Yes At work and home
French Yes Yes Yes Yes At work, on holiday
Scots Yes Yes Yes Yes At home, occasionally at work