The New Mannie
Author(s): Liz Niven
Copyright holder(s): Liz Niven
fir A'm a new mannie, can ye no tell?
A'd've hid ma ain wean if only A couldv'e,
an at the labour the wife says she wished A would've,
fir then A could've breast fed them,bit A'm afraid A cannie.
Aye there are some limits tae bein a new mannie.
Bit she's doon the boozer wi her mates the night.
She's worked aw week so it's only right.
A mean A've had some sleepless nights A'll gie ye that,
bit ye cannae complain jist look at ma flat.
Spick an span no a bit a stoor in sight,
the washin's aw done. A've been at it aw night.
A'll dae a wee bit ironin, pit oan ma trannie.
Oh, it's no that bad bein a new mannie.
Ra morra, she says, A can go wi the lads,
a bevvie, the fitba a wee gemme o cards.
She'll take the wean tae it's gran roon the street
get oot fir a drink an a wee bite tae eat,
wi some o the lassies she's kent aw her life.
She tells them she's lucky tae be such a wife
wi a new man at hame tae look efter the kid,
she'll mibbe hae anither when we're oot o the rid.
A'd get a joab if A could bit A cannie,
A'm needit at hame cos A'm a new mannie.
She's thinkin o haein a holiday soon-
a week in New York wi her pals fae the toon.
Will A stey at hame wi the wean fir the week?
A wisnae too sure if that wis a cheek,
an takin advantage o me an ma role.
A'm hauf considerin gaun doon the dole,
gettin a joab an ma ain independence,
bit she's says that's jist a load o auld nonsense.
'A don't want ma man workin', she says that A cannie,
A'm no sure whit tae dae fir A'm a new mannie
This work is protected by copyright. All rights reserved.
The SCOTS Project and the University of Glasgow do not necessarily endorse, support or recommend the views expressed in this document.
Cite this Document
The New Mannie. 2023. In The Scottish Corpus of Texts & Speech. Glasgow: University of Glasgow. Retrieved 29 November 2023, from http://www.scottishcorpus.ac.uk/document/?documentid=1012.
"The New Mannie." The Scottish Corpus of Texts & Speech. Glasgow: University of Glasgow, 2023. Web. 29 November 2023. http://www.scottishcorpus.ac.uk/document/?documentid=1012.
The Scottish Corpus of Texts & Speech, s.v., "The New Mannie," accessed 29 November 2023, http://www.scottishcorpus.ac.uk/document/?documentid=1012.
If your style guide prefers a single bibliography entry for this resource, we recommend:
The Scottish Corpus of Texts & Speech. 2023. Glasgow: University of Glasgow. http://www.scottishcorpus.ac.uk.