SCOTS
CMSW

Document 155

Toon Junction

Author(s): Sheena Blackhall

Copyright holder(s): Sheena Blackhall

Text

A bourich o birdies
Blaik an birlin
Heezin an furlin

A skyte o skurries
Slidderin doon the win

A breenge o shoppers
Hashin ower the road


A bleeze o boozers
Hyterin doon the brae

A chaw o chuddies
Stukken doon like bannocks

A craik o corbies
Wallop frae howf tae howf


A skirl o schulequines
Swingin pyokes o buiks

A doonpish
Dribblin doon
The cassies croon

A stride o loons
Wi gallus sark tails
Flappin

A hackin hoast
A glob o pyochered glut


A pirn taed wifie
Hobblin hame wi eerins

An van wi ledders
Jinks aroon the neuk

A bauchle o auld yins
Shauchlin an trauchlin
Ower the crossin

A birrin o larries
Hotterin ower the tarmac

A skitter o stirlins
Jink like blaik confetti


A wheech o ambulances
Stappit fu o skaith

A dauchle o wardens
Keekin at the cars

A peelie-wallie puckle
O fite faced office deems
Clip clop on teeterin sheen

A bleep o mobiles
Clappt tae meevin lugs

Snufflin dugs
Makk puils
At wheelie bins

A trawl o taxis
Idlin doon
Back wynds

A cowpin quine
Cowks ower a
Bleepin cash pynt

A twa-fauld bodach
Neb-doon at the grun

The provost's limo
Poors itsel throw toun

A bumfle o buggie
Fu as puggies
Bummin ower the brander

A shoogle o buses
Dirdin ower lowse chukkies

A waught o doos,
Grey boaties,
Bob ower cassies

A stooshie o spurgies
Chitterin abeen the lums

A shargeret tree
Its branches showdie -
powdin
A dunt o drillers
Rivin up the road


A reeshle o papers
'Get yer Dailes here!'

A plat o dug keech
Splytered on a steen


A skoosh o orra watter
Drivin frae a dub
Bi revvin wheels

A trail o tabbies
Trampit in
The glaur

A gammie-fittit chiel
Taps wi a stick

A cairraige fu
O passengers
Sit, stottin

This work is protected by copyright. All rights reserved.

The SCOTS Project and the University of Glasgow do not necessarily endorse, support or recommend the views expressed in this document.

Close

Cite this Document

APA Style:

Toon Junction. 2024. In The Scottish Corpus of Texts & Speech. Glasgow: University of Glasgow. Retrieved 28 March 2024, from http://www.scottishcorpus.ac.uk/document/?documentid=155.

MLA Style:

"Toon Junction." The Scottish Corpus of Texts & Speech. Glasgow: University of Glasgow, 2024. Web. 28 March 2024. http://www.scottishcorpus.ac.uk/document/?documentid=155.

Chicago Style

The Scottish Corpus of Texts & Speech, s.v., "Toon Junction," accessed 28 March 2024, http://www.scottishcorpus.ac.uk/document/?documentid=155.

If your style guide prefers a single bibliography entry for this resource, we recommend:

The Scottish Corpus of Texts & Speech. 2024. Glasgow: University of Glasgow. http://www.scottishcorpus.ac.uk.

Close

Information about Document 155

Toon Junction

Text

Text audience

General public
Audience size 100+

Text details

Method of composition Handwritten
Word count 308

Text medium

Book

Text publication details

Published
Publisher Finavon Print
Publication year 2001
Place of publication Angus
ISBN/ISSN 0954168909

Text type

Poem/song/ballad

Author

Author details

Author id 112
Forenames Sheena
Surname Blackhall
Gender Female
Decade of birth 1940
Educational attainment University
Age left school 16
Upbringing/religious beliefs Brought up Protestant, now Buddhist
Occupation Writer and supply teacher
Place of birth Aberdeen
Region of birth Aberdeen
Birthplace CSD dialect area Abd
Country of birth Scotland
Place of residence Aberdeen
Region of residence Aberdeen
Residence CSD dialect area Abd
Country of residence Scotland
Father's occupation Manager of Deeside Omnibus Service
Father's place of birth Aboyne
Father's region of birth Aberdeen
Father's birthplace CSD dialect area Abd
Father's country of birth Scotland
Mother's occupation Private Secretary
Mother's place of birth Aberdeen
Mother's region of birth Aberdeen
Mother's birthplace CSD dialect area Abd
Mother's country of birth Scotland

Languages

Language Speak Read Write Understand Circumstances
English Yes Yes Yes Yes
Gaelic; Scottish Gaelic Yes Yes Yes Yes Elementary. Gaelic choir. Poetry.
Scots Yes Yes Yes Yes

Close