Document 1063

Scottish Parliament: Scots Pairlament Cross Pairty Group on the Scots Leid, Annual General Meetin, Meenits o the meetin hauden on the 22nt June 2004

Author(s): Scottish Parliamentary Corporate Body

Copyright holder(s): Scottish Parliamentary Corporate Body: © Scottish Parliamentary copyright material is reproduced with the permission of the Queen's Printer for Scotland on behalf of the Scottish Parliamentary Corporate Body.

Scots Pairlament Cross Pairty Group on the Scots Leid

Annual General Meetin

Meenits o the meetin hauden on the 22nt June 2004

Praisant

Eilidh Bateman, Michael Hance, Rob Gibson MSP, P.H.Scott, Gavin McDougall, Chris Robinson, Jack Stewart, David Stevenson, Billy Kay, Janet Paisley, J Derrick McClure, Iseobail MacLeod, Moira Stratton, Margaret Mackay .

Apologies

Sheena Wellington, Catriona McGillvray, Colin Wilson, Andy Eagle, Bob Fairnie, Colin Donati, Irene McGugan, Nancy Nicholson, John Corbett, Marina Dossena, Cathy Peattie, Fiona Campbell.

Meenits o the meetin hauden on the 19th o June 2003

The group gree’d tae accept the meenits frae the AGM last year concernin the structur o the group.
The group will continue in its present status until June 2005.

Maitters arisin frae the meenits o the meetin hauden on 19th o June 2003

There war nae maitters arisin.

Election – Office Bearers

Gree’d tae be maintained.
Michael Hance gree’d tae check the status o the XPG bank acoont an tae speir aboot Joy Hendry bein the treasurer.

Group Secretariat

SLRC wad continue tae perform this role.
Rob Gibson is investigatin his Member’s Support Allowance tae help the group – mibbe employin someone in the Pairlament tae dae the wark fir the group.

Work Plan for 2004/05

Signage

• The group gree’d tae mak a mair formal request tae hae Scots representit in the opening ceremonie o the new pairlament building.
• The group considert haein an independent event showcasing the Scots leid the nicht afore the opening ceremonie.

Pairlament

• Rob Gibson haes a question on the 24th o June aboot education an the ECRML (European Charter for Regional and Minority Languages).
• Frank McAveety veesitit a schuil wi the Itchy Coo an wis impressed – favourable tae the leid – important tae focus on this an raise Scots’ profile wi MSPs.

Scottish Executive Culture Policy Review and Commission

• The group gree’d tae prepare fir makkin submissions tae this process.
• The group thocht aboot draftin a statement o cultural entitlement concernin Scots – a guid model can be foond at Portree High School.
• The Executive isnae clear aboot the role o the Gaelic an Scots leids in the commission – the XPG shuid inform MSPs.
• It wis decidit that the group shuid draft a letter tae the Herald newspaper speirin aboot access tae the commission an how tae mak submissions.
• The SLRC wad circulate an electronic version o the Cultural Commission document tae group memmers.
• The group heard that the Civic Forum haed been organisin a series o meetins aboot the Commission – memmers war encouraged tae attend sic meetins.
• The group haed ideas fir the Commission concernin developin Scotland as a World Literary Centre – haein a comprehensive writers’ museum wi office space fir literary organisations.

Visit Scotland

• The group notit the recent reports aboot Visit Scotland openly discriminatin agin the Scots leid.

Edinburgh Festival and Fringe

• The group notit there wisnae much Scottish or Scots content in the International Festival or the Book festival. There will be a Fringe Book Festival this year though wi slots fir Scots events.

Scottish Arts Council

• Rob Gibson tae write tae SAC speirin aboot their Scots policy an their involvement wi the XPG.
• SAC updating their website – tere will be space fir Scots on it.

Onie ither business

The group notit the recent letter bi Donald Gorrie MSP an gree’d tae thank him fir his efforts.
Michael Hance is draftin questions for Donald Gorrie MSP aboot the ECRML.

Date, time an wharaboots o the neist meetin

The neist meetin wad be efter the pairlamentary recess an the SLRC wad inform memmers o the date then.

Information about Document 1063

Scottish Parliament: Scots Pairlament Cross Pairty Group on the Scots Leid, Annual General Meetin, Meenits o the meetin hauden on the 22nt June 2004