SCOTS Project - www.scottishcorpus.ac.uk Document : 110 Title : Letter: 06 Author(s): Robert Fairnie Copyright holder(s): Robert Fairnie Text SCOTS TUNG The Scots Leid Quorum [CENSORED: address] Eydentlie uphaudin the Scots Leid Campaine e-screive: [CENSORED: emailaddress] Heidteacher, [CENSORED: placename] Primary Schuil, [CENSORED: address] 29t. Mairch 2001 Guid Heidteacher, Monie thanks for takin pairt in the Scots writin competeetion for the Scots Tung Quaich. The wis a wheen imagination an invention shawn bi the bairns an it wis a gey sair darg walin oot a winner frae some richt guid entries. Howanever, the can be juist the ae winner an, this time, Scots Tung haes decidit the mooth watterin poem cried "Chocolate Cake!" bi [CENSORED: forename] [CENSORED: surname] (P7B), [CENSORED: placename] Primary Schuil wis the ane tae beir the gree for the Primary section. [CENSORED: placename] Primary Schuil will git the Quaich tae haud for ae towmond an [CENSORED: forename] will be gien a meenature tae keep. Please gie the fowk frae your schuil that pit in an entry thair ain certeeficate screivit in Scots an the'r a copy o the Scots Tung Wittins eikit in wi this letter for ilka ane o thaim. The STW cairries eleeven o the entries frae the competeetion an the shuid be copies o't postit in maist o the libraries o East, Mid an West Lothian. It is postit ilka month an aw on the wabsteid o the Scots Speikers Curn, Glesca at www.mlove.free-online.co.uk/ We'r vexed the wisna the room tae git thaim aw in. The Scottish National Dictionary Association an thair publishers haes been guid eneuch tae eik tae thae prizes bi giein the teachers that taen pairt in the exercise a Scots School Dictionary. We unnerstaun thae dictionars is tae be sent direck tae the schuils bi the SNDA. We're gled that baith pupils an teachers enjoyed takin pairt in the competeetion an we howp ye'll be able tae enjoy it neist year agane bi pittin in entries for the 2002 Scots Tung Quaich. Entries tae be in bi 28t. Februar 2002. Mindins tae be sent oot nearer the time. Wi couthie thochts, SCOTS TUNG, R. Fairnie (Secretar). This work is protected by copyright. All rights reserved. The SCOTS Project and the University of Glasgow do not necessarily endorse, support or recommend the views expressed in this document. Information about document and author: Text Text audience Adults (18+): Audience size: 1 Text details Method of composition: Wordprocessed Year of composition: 2001 Word count: 329 Text setting Private/personal: Text type Correspondence/letters: Author Author details Author id: 95 Forenames: Robert Surname: Fairnie Gender: Male Decade of birth: 1930 Educational attainment: College Age left school: 16 Upbringing/religious beliefs: Protestantism Occupation: Consultant Marine Structural Engineer (Retired) Place of birth: Musselburgh Region of birth: Midlothian Birthplace CSD dialect area: midLoth Country of birth: Scotland Place of residence: Musselburgh Region of residence: Midlothian Residence CSD dialect area: midLoth Country of residence: Scotland Father's occupation: Fisherman Father's place of birth: Musselburgh Father's region of birth: Midlothian Father's birthplace CSD dialect area: midLoth Father's country of birth: Scotland Mother's occupation: Fishwife Mother's place of birth: Musselburgh Mother's region of birth: Midlothian Mother's birthplace CSD dialect area: midLoth Mother's country of birth: Scotland Languages: Language: English Speak: Yes Read: Yes Write: Yes Understand: Yes Circumstances: At work Language: German Speak: Yes Read: Yes Write: Yes Understand: Yes Circumstances: In Germany to communicate with two grandsons Language: Scots Speak: Yes Read: Yes Write: Yes Understand: Yes Circumstances: Wherever Scots is understood